Arkitektura-irudigintza 2 : 1996-2010 / Marte Mujika
UPV/EHU : Leioa, [2011]
ISBN 9788469434666
1 v. : il.
Arquitectura – Estudio y enseñanza
Arquitectura – Teoría
Dibujo arquitectónico
TEXTO COMPLETO | PDF | Registro previo
UPV/EHU | Arkitektura-irudigintza 2
http://testubiltegia.ehu.es/Arkitektura-irudigintza
Lan honetan eskaintzen diren testu eta irudiak 2.
mailako Arkitektura Irudigintza 2, irakasgaian erabilitakoak dira. Ikasturte osokoa
zen irakasgaia, Bolonia planarekin, 2011-2012 ikasturtetik aurrera, banatu egin
da: Arkitektura Irudigintza 3 eta Arkitektura Irudigintza 4, bakoitza lauhileko
batean. Orain arte erabilitako ikasmaterialen artean, “Irudigintzaren inguruko
testuak” atalaren gordailu da argitalpen hau.
Le Corbusier-en hitzetan, irakats daitekeenak ez du
ikastea merezi. Beraz, irakasgai honetan baliatu den irakaskuntzametodoan, ezagutza
ikasleei eskura jartzea, helburu baino gehiago, abiapuntu izan da. Eskolen
dinamikan, ariketetan garatzen ziren kontzeptu grafiko arkitektonikoen arabera hautatzen
eta banatzen ziren arkitekto eta artistek idatzitako testuak, ikasleek ariketetan
lantzen zutenaren garrantzia esperientzia eredugarriekin alderatzeko aukera
izan zezaten. Lanerako abiapuntu, arau eta egiturak finkatzeak duen zailtasuna erakusten
dute testu horiek. Prozedura bat erakusten digute, ez emaitza bat. Ikasleak bere
prozedurak sortzea da helburua. Arkitekturan, irudigintzako irakasleak ikasleari
eska diezaioke ikusten duena, edo ustez ikusten duena, irudika dezan: hiria, kalea,
eraikin bat, objektu bat. Baina eredu grafiko batzuei esker, gai figuratiborik gabe
ere sor daitezke ariketak. Helburua ez da emaitza formal bat baldintzatzea, jarraitu
den prozedura ulertzea baizik. Hainbat eredu grafiko erabiltzen dira baita ere,
testuetan azaltzen diren kontzeptuen azalpenerako. Batzuetan arkitektoen
obretan oinarritu gara, proiektatze-fasera itzultzen saiatuaz. Obra
arkitektoniko edo eredu grafiko horien analisia egileen jatorrizko gogoetatik
eratortzen da. Ariketa bakoitzean garatu nahi den gogoeta grafiko, arkitektoniko
edo proiektuala azalduko duen testu bat erabili da. Testuok “Irudigintzaren inguruko
testuak” izenpean banatu dira. Irakasleak abiapuntu bat proposatzen du; prozedurak
azaltzen ditu, ikaslea bideratzen duelakoan. Eredu grafikoak teknikoki kopiatzera
mugatu ohi den maila ertainetik harago, ikasleak lanerako prozedura berri bat
definitzen duenean lortzen da ariketa bakoitzean bilatzen den emaitza.
Ikasmaterial hau antolatzea edo sailkatzea, bada
berez prozedura-arazo bat. Tesian (
www.euskara.euskadi.net/tesiak),
sailkapenaren arazoa ilustratzeko erabili nuen argazki fetitxea datorkit
berriro burura.
